今日小魔怪們 放聖誕假啦🎄🎉🥳！
回顧一下今個月嘅新任務!
🥰 每日努力感受生活點滴！
好多覺得有趣嘅事情要記住🤣😝！
1. 原來小朋友們會因爲家長接送而自豪😆，而坐校車嘅小朋友的確會用羨慕嘅眼神又唔服輸嘅說話回應對方 「我幾時幾時都會家長接啦！」
媽媽就覺得咁都有得鬥咀?! 🤔🙄🙄🙄
2. 同學們好熱情😍😍😍，認得我嘅小朋友離遠已經會好大聲叫我🥰。😅😅😅不過成日將啲小朋友名亂叫😅，因為年紀大啦，有時搞亂咗啲名😂😂sorry 小朋友們🙏🏻
3. 2個哥哥因為會早少少返學嘅，所以佢兩個每日都要爭送咗另一個入課室先，而自己要係遲入課室嗰個。🙄🙄 不過，佢哋已經俾媽媽安排咗 一人一日早入課室，無得爭。但係仍要每日講下要對方入先，好煩呀😤！😪
4. 原本打算坐的士去到山腳落車行少啲，點知原來的士都唔駛坐😆，鍾意坐巴士行遠多啲返學更Happy🤪，好吧！只要你們乖乖肯聽媽媽指示配合，我哋可以日日坐巴士，落雨至考慮坐的士吧！😊 💪🏻
5. 第一、二日自己接送，老師們見到我😊會問：「今日自己湊嘅？！」😆，之後日日見到😳個個雙眼好大😳😳😳😳😳😳😳咁樣問：「你日日都自己湊呀？」，答：「係呀！」，老師們眼睛更大😳😅
6. 最開心嘅係，我哋屋企有位小朋友一向俾人感覺比較cool😐，係思考型小朋友😌，一直好慢熱不太喜歡回應老師🙂。不過，近日老師同媽媽講佢 近呢一兩個星期特別開心，人都開朗咗好多，又肯大聲回應老師嘅說話，又主動同其他同學玩咗！👍🏻🎉😌😌😌😁 媽媽聽到老師咁講，真係好開心🥰💪🏻💪🏻💪🏻！
7. 更遇到一個媽媽覺得學校閘口姨姨問得非常有趣嘅問題😂😂😂，
話說媽媽12月初開始每日出入學校閘口起碼6次之多，而閘口姨姨對於呢位生面口嘅大人，起了一點點嘅疑心😂🤔🤔🤔，相信姨姨當時諗點解有個工人姐姐 帶咁多細路返學咖呢？😂😂
好啦，三、四日後當帶住三個入閘口時佢終於忍唔住問我啦😅😂！
姨姨：請問呢位家長.........，你.......你係唔係附近補習社咖呢？
我（尷尬地）：唔係呀！
大哥哥：佢係我地媽咪呀！😆
姨姨：三個都係你咖？😅
我：係呀！😅
姨姨：😅唔好意思呀，因為之前無見過你，呢排見你日日來回帶住幾個，以為你係附近補習社😅。 帶住咁多個辛唔辛苦呀？（ee打圓場中😂）
我：唔緊要😅，之前我地坐校車！近期開始自己帶😊！
之後日日都打招乎😊
8. 有一兩日爸爸放假一齊湊，佢哋更開心，有人重用佢啲喊功嗲功，成功霖咗爸爸抱😏😏！
9. 佢地返學前食嘢太慢，我就會問：「如果想繼續媽媽同爸爸湊返放學，就要點呀？」😆，通常大哥哥就會答：「要配合安排」😛，跟住佢地自然會食快啲😅，如果講完都唔得，我就會強力要求佢地唔該 食快少少😆！
因為希望同佢地慢慢行，唔想日日追巴士😒！
10.
11.
12.
.
.
.
.
要記住嘅，有好多好多......
Search